Կենտրոնական Ասիայի բոլոր երկրները չեն ցանկանում իրենց տարածքում տեղակայել ԱՄՆ զորքեր․ Լավրով
Բաժանորդագրվեք մեզ նաև
Տելեգրամում
Կենտրոնական Ասիայի բոլոր երկրները՝ Ռուսաստանի հարևանները, հայտարարում են, որ չեն ցանկանում իրենց տարածքում տեղակայել ԱՄՆ կամ ՆԱՏՕ ի որևէ այլ երկրի զինված ուժեր:
Այս մասին հինգշաբթի օրը հայտարարել է Ռուսաստանի արտգործնախարար Սերգեյ Լավրովը, փոխանցում է ՏԱՍՍ-ը:
«Կենտրոնական Ասիայի մեր հարևանները, դաշնակիցները, մեզ հետ շփման մեջ գտնվող ռազմավարական գործընկերները հաստատում են, որ նման որոշումները իրենց համար անընդունելի են»,-ասել է նախարարը ՝ պատասխանելով Ուզբեկստանում իր հակաահաբեկչական ուժերը տեղակայելու ԱՄՆ-ի մտադրությունների մասին հարցին:
Ավելի վաղ The Wall Street Journal-ը, հղում անելով աղբյուրներին, հայտնել է, որ Ռուսաստանը և ԱՄՆ-ն, իբր, քննարկել են Կենտրոնական Ասիայում ամերիկյան զինված ուժերի կողմից ռուսական ռազմաբազաների օգտագործման հնարավորությունը: