«Տաշիր Պիցցա»-ի սննդի կենտրոններում քաղաքացիների թունավորման դեպքերի առթիվ հարուցվել է քրեական գործ՝ ՀՀ քրեական օրենսգրքի 279-րդ հոդվածի հատկանիշներով, այն է՝ Անվտանգության պահանջներին չհամապատասխանող ապրանքներ թողարկելը կամ իրացնելը, Աշխատանքներ կատարելը կամ ծառայություններ մատուցելը սպառողների կյանքի կամ առողջության անվտանգության պահանջներին չհամապատասխանող ապրանքներ թողարկելը կամ իրացնելը, որն անզգուշությամբ վնաս են պատճառել երկու կամ ավելի անձանց առողջությանը։ Այս մասին Civic.am-ին հայտնեցին ՀՀ քննչական կոմիտեից։
Հիշեցնենք, որ «Տաշիր Պիցցա» սննդի կենտրոններում զանգվածային թունավորման դեպքեր են արձանագրվել նոյեմբերի 5-ից։Նոյեմբերի 7-ի դրությամբ՝ ընդհանուր դեպքերի թիվը հասել է 171-ի։
Հավելենք,որ «Տաշիր Պիցցա» մասնաճյուղերը ժամանակավորապես փակվել են՝ խնդրի բացահայտման և կարգավորման նպատակով:
