Ազգային ժողովը մարտի 24-ին երկրորդ ընթերցմամբ և ամբողջությամբ ընդունեց «Բարձրագույն կրթության ու գիտության մասին» օրենքում փոփոխությունների և լրացումների նախագիծը:
Կողմ քվեարկեց 79 պատգամավոր, դեմ՝ 36, ձեռնպահ՝ 2:
Նախագիծն առաջինից երկրորդ ընթերցում անցնելիս մի շարք փոփոխությունների է ենթարկվել:
Փետրվարի 5-ին ԱԺ կրթության, գիտության, մշակույթի, սփյուռքի, երիտասարդության և սպորտի հարցերի մշտական հանձնաժողովում օրենքի նախագիծը ներկայացրել է ՀՀ կրթության, գիտության, մշակույթի և սպորտի նախարար Վահրամ Դումանյանը՝ նշելով, թե ինչ փոփոխություններ են կատարվել նախագծում։
Փետրվարի 10-ին օրենքի նախագիծն ԱԺ-ում քննարկվել և ընդունվել է առաջին ընթերցմամբ, որն էլի ԿԳՄՍ նախարարն է զեկուցել՝ ներկայացնելով, թե ինչ հնարավորություններ այն կտա։
Երկրորդ ընթերցմամբ և ամբողջությամբ ընդունելու համար նախագիծը մերժվել է և չի ընդգրկվել նիստերի օրակարգում։
Մարտի 4-ին ԱԺ որոշմամբ օրենքների նախագծերի փաթեթի քննարկումը տեղափոխվել է գրավոր առաջարկների ներկայացման փուլ:
