ԱՄՆ Ներկայացուցիչների պալատի՝ Հանրապետական կուսակցության ներկայացուցիչ Մարժորի Թեյլոր Գրինը կարծում է, որ եթե միջանկյալ ընտրություններում հաղթեն հանրապետականները, ապա Ուկրաինայի ֆինանսավորումը առավելագույնս կկրճատվի: Այս մասին հայտնում է «ՌԻԱ Նովոստի»-ն:
Կոնգրեսականը Այովայում ընտրողների առջև ելույթի ժամանակ գնահատել է Կիևի աջակցության հետ կապված իրավիճակը և հետագա հեռանկարները։
«Դեմոկրատները լայն բաց են թողել մեր սահմանը, և միակ սահմանը, որը նրանց հուզում է, Ուկրաինան է, ոչ թե Ամերիկայի հարավային հատվածը: Հանրապետականների օրոք Ուկրաինան ոչ մի ցենտ չի ստանա»,- պարզաբանել է քաղաքական գործիչը:
ԱՄՆ Կոնգրեսի միջանկյալ ընտրությունները տեղի կունենան նոյեմբերի 8-ին։
