ԱՄՆ նախագահի՝ ազգային անվտանգության հարցերով խորհրդական Ջեյք Սալիվանը հայտնել է, որ ԱՄՆ նախագահ Ջո Բայդենը G20-ի գագաթնաժողովում մտադիր չէ հանդիպել Ռուսաստանի արտգործնախարար Սերգեյ Լավրովի և ռուսական պատվիրակության հետ։ «Նախագահը չի պատրաստվում շփվել ՌԴ ԱԳՆ ղեկավարի հետ»,- ասել է Սալիվանը։
ԱՄՆ Պետդեպարտամենտի ներկայացուցիչ Նեդ Փրայսը նույնպես հայտնել է, որ ամերիկյան պատվիրակության ներկայացուցիչներն այս հանդիպմանը մտադիր չեն շփվել ռուսական կողմի հետ։
«Մենք չունենք պաշտոնական շփումների ծրագրեր»,- ասել է նա՝ պատասխանելով լրագրողի պարզաբանող հարցին՝ կապված նման շփման հնարավորության հետ։
G20-ի գագաթնաժողովը տեղի կունենա նոյեմբերի 15-16-ը Ինդոնեզիայի Բալի կղզում։ Ռուսական պատվիրակությունը կգլխավորի արտգործնախարար Սերգեյ Լավրովը։
