Կիևի Սոֆիայի հրապարակում տեղադրված Ուկրաինայի գլխավոր տոնածառը ներառվել է աշխարհի լավագույն տոնածառերի վարկանիշում։
Այս մասին հայտնում է RBC-Ukraine-ը՝ հղում անելով BBC News-ի վարկանիշին։ Անընկճելիության ծառը մտել է լավագույնների առաջին հնգյակ։
Վիլնյուսի տոնածառը զբաղեցրել է 1-ին տեղը: Երկրորդ տեղում Հոնկոնգի տոնածառն է։ 3-րդ և 4-րդ տեղերը գրավել են Ստոկհոլմի և Կարակասի տոնածառերը։ Վարկանիշում Կիևի տոնածառը զբաղեցնում է 5-րդ տեղը: Նրան հաջորդում է նյույորքյան տոնածառը:
Հիշեցնենք, որ Կիևում ամանորյա եղևնին լուսավորվում է օրական չորս ժամ։ Տոնածառը զարդարված է էներգախնայող ծաղկաշղթաներով և սնուցվում է գեներատորով ամեն օր ժամը 17:00-ից մինչև 21:00-ն:
Քաղաքային խորհուրդը նշել է, որ քաղաքապետարանը բյուջետային միջոցներ չի ծախսել տոնածառի լուսավորության վրա, ծառը տեղադրել և զարդարել են մեկենասներն ու ձեռնարկատերերը։ Գեներատորը տրամադրել են բարերարները։
