Հայաստանի ազգային հավաքականի և Մոսկվայի «Լոկոմոտիվի» պաշտպան Նաիր Թիկնիզյանի նկատմամբ կա հետաքրքրություն Եվրոպայից։
«Евро-Футбол»-ի համաձայն՝ ձմռանը 25-ամյա ֆուտբոլիստը կարող է ունենալ կարիերան եվրապական ակումբում շարունակելու տարբերակներ։
Ավելի վաղ լուրեր էին շրջանառվում, որ Թիկնիզյանը «Լոկոմոտիվի» հետ բանակցում է պայմանագիրը երկարաձգելու շուրջ, սակայն կողմերը դեռ փոխհամաձայնության չեն եկել։
Հիշեցնենք, որ հայ պաշտպանը 2021 թվականին է Մոսկվայի ԲԿՄԱ-ից տեղափոխվել «Լոկոմոտիվ», որի հետ պայմանագիրը նախատեսված է մինչև 2026թ. ամառ: Այս մրցաշրջանում Նաիր Թիկնիզյանը մոսկովյան ակումբի կազմում մասնակցել է 14 խաղի, դարձել 2 գոլի ու 3 ասիստի հեղինակ: Transfermarkt-ը Թիկնիզյանի տրանսֆերային արժեքը գնահատում է 6,5 միլիոն եվրո:
