Ինձ չեմ պատկերացնում մարզչի դերում։ Ներկա պահին գաղափար չունեմ, թե ինչ եմ անելու ապագայում։ Այս մասին հայտարարել է «Ոսկե գնդակի» ութակի դափնեկիր Լիոնել Մեսսին` շեշտելով, որ չի պատրաստվում մարզիչ դառնալ կարիերան ավարտելուց հետո։
«Գնահատում եմ իմ առօրյա փորձն ավելի շատ, քան նախկինում էր, այդ պատճառով հիմա կենտրոնացված եմ խաղերի, մարզումների և դրանցից ստացած հաճույքի վրա։
Ֆուտբոլում ամեն ինչ կարող է լինել։ Ժամանակ դեռ շատ կա։ Ապրում եմ օրով և չեմ ցանկանում շատ հեռուն նայել»,- Մեսսիի խոսքն է մեջբերում լրագրող Ֆաբրիցիո Ռոմանոն, փոխանցում է armsport.am-ը:
37-ամյա արգենտինացու պայմանագրի ժամկետն «Ինտեր Մայամիի» հետ նախատեսված է մինչև գալիք տարվա վերջ։
