Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ֆրանսիայի նախագահ Էմանուել Մակրոնի հետ։

Ինչպես հայտնել է Ermenihaber-ը հեռախոսազրույցի ընթացքում կողմերը քննարկել են թուրք-ֆրանսիական հարաբերությունները, ինչպես նաև տարածաշրջանային ու գլոբալ հարցեր:

Անդրադառնալով Սիրիայում տեղի ունեցած վերջին իրադարձություններին՝ Էրդողանը կարևորել է Սիրիայի տարածքային ամբողջականության ու ինքնիշխանության պահպանումը, ինչպես նաև գոհունակություն հայտնել Ֆրանսիայի՝ Սիրիայում իր դեսպանատունը վերաբացելու որոշման առթիվ։

Զրույցի ընթացքում Թուրքիայի նախագահը խոսել է նաև սիրիացի փախստականների մասին՝ նշելով, որ միջազգային հանրությունը պետք է համագործակցի կայուն պայմաններ ստեղծելու ուղղությամբ, որոնք հնարավորություն կտան սիրիացիներին մնալ իրենց երկրում։