Աբխազիայի ինքնահռչակ հանրապետության խորհրդարանի շենքում տեղի է ունեցել հրաձգություն։ Սպանվել է պատգամավոր Վախթանգ Գոլանձիան, ընդդիմադիր Կան Կվարչիան վիրավորվել է։
AMRA-life հեռագրային ալիքը գրում է, որ խորհրդարանում քննարկվել է մայնինգն արգելելու մասին օրինագիծը։
«Նիստի ժամանակ Ադգուր Խարազիան և Կան Կվարչիան ծեծկռտուքի մեջ են մտել, արդյունքում Ադգուրը հանել է ատրճանակը և սկսել կրակել Կանի վրա։ Մահացած Վախթանգ Գոլանձիան փորձել է բաժանել նրանց»,- գրում է պարբերականը։
Պատգամավոր Վախթանգ Գոլանձիան մահացել է ստացած վերքերից, հայտնել է առողջապահության նախարարության մամուլի ծառայությունը։
Դեպքի վայր է ժամանել օպերատիվ-քննչական խումբը։
