Ռուսական ալիքներից մեկն արգելափակելուց հետո
մեր ժողովրդի արժանապատվության հետ անհամատեղելի բովանդակությամբ կոնտենտ չի
արտադրվել։ Այս մասին 2024 թվականի աշխատանքներն ամփոփող ասուլիսի ժամանակ հայտարարեց ԲՏԱ նախարար Մխիթար Հայրապետյանը:
«Դրանից հետո ունենք արձանագրված զրո դեպք, որ Հայաստանի հանրային մուլտիպլեքսում հեռարձակվող որևէ ռուսական կամ օտարերկրյա որևէ հեռուստաալիքով Հայաստանի Հանրապետության ժողովրդի հույզերի վրա բացասական ազդեցություն ունեցող, Հայաստանի Հանրապետության և իր ժողովրդի արժանապատվության հետ անհամատեղելի բովանդակությամբ որևէ հեռուստակոնտենտ արտադրված լինի։
Այս իմաստով պետք է ասեմ, որ թեև միջպետական համաձայնագիրն ինստիտուցիոնալ առումով սա չի կարգավորում, սակայն մեր ռուս գործընկերների հետ մենք այս պահին հասել ենք նրան, որ որևէ նմանօրինակ բովանդակությամբ դեպք չի արձանագրվել»,- ասաց նա:
