Հունիսի 24-ի առավոտյան զինված անձինք դիրքեր են զբաղեցրել Դոնի Ռոստովի կենտրոնում․ գրում է
meduza.io-ն։
Ամենայն հավանականությամբ, դրանք «Վագներ» մասնավոր ռազմական ընկերության զինյալներն են (չնայած վարկած կա, որ դրանք կարող են լինել ՌԴ ՊՆ զինծառայողներ)։
161.ru-ն հայտնում է, որ նրանք շրջափակել են Հարավային ռազմական օկրուգի շտաբը, քաղաքային վարչակազմը, ԱԴԾ-ի և ՆԳՆ վարչությունները։ Քաղաքի փողոցներում տանկեր կան։ Ռոստովի մարզի նահանգապետ Վասիլի Գոլուբևը Դոնի Ռոստովի բնակիչներին խնդրել է «խուսափել քաղաքի կենտրոն գնալուց և հնարավորության դեպքում չլքել իրենց տները»։
