Այլ երկրների հետ
համագործակցության մասին տարբեր փաստաթղթեր ստորագրելու Երևանի ակտիվությունը
կարող է բարդ հետևանքներ ունենալ Հայաստանի և նրա ժողովրդի համար։ Այս մասին Telegram-ի
իր ալիքում գրել է ՌԴ Դաշնային խորհրդի՝ միջազգային
հարաբերությունների հարցերով կոմիտեի նախագահ Գրիգորի Կարասինը:
«Վախենում եմ, որ բոլորի հետ և ամեն ինչում համագործակցության վերաբերյալ տարբեր տեսակի պարտավորություններով փաստաթղթեր ստորագրելու Հայաստանի ներկայացուցիչների քառատրոփ ակտիվությունը կարող է այդ երկրի և նրա ժողովրդի համար անսպասելի բարդ հետևանքներ ունենալ»,- գրել է ռուս խորհրդարանականը։
Կարասինի խոսքով՝ հարցեր են առաջացնում այս փաստաթղթերի մշակման լրջությունը և դրանց համաձայնեցումը պարտավորություններին, որոնք Հայաստանն արդեն ստանձնել է այլ գործընկերների և միջազգային կազմակերպությունների առաջ։
«Ոչ վերջին հերթին
դա վերաբերում է ԵԱՏՄ-ին և ՀԱՊԿ-ին: Պատմությունից հայտնի է, որ քաղաքականության
մեջ ազարտը հաճախ բերում է ոչ սպասելի
արդյունքների»,- նշել է Դաշնության խորհրդի կոմիտեի ղեկավարը։
