«Ի տարբերություն ԵԱՏՄ-ին անդամակցությանը,
որը իրականացվեց ուժի սպառնալիքի ներքո, այս գործընթացը հանրության ցանկությամբ է,
ու հանրությունը պատրաստվում է այդ գործընթացը անցնել»: Այս մասին ասաց Հելսինկյան
քաղաքացիական ասամբլեայի Վանաձորի գրասենյակի նախագահ Արթուր Սաքունցը՝ անդրադառնալով
ԵՄ-ին ՀՀ անդամակցության մտադրությանն ու քայլերին, նաև ռիսկերին, որ կարող է գազը
թանկանալ և այլն։
Սաքունցը նշեց, որ ՌԴ-ն պարտվելու
է ուկրաինական պատերազմում, ու չեն հանվելու
ԵՄ միջազգային հանրության կողմից նրա նկատմամբ կիրառված պատժամիջոցները. «Հնարավոր
է, որ պատժամիջոցները հանվեն, բայց այդ դեպքում հենց ՌԴ-ն կարող է դառնալ ԵՄ անդամ։
Ժամանակին, երբ Խորհրդային Միությունը փլուզվել էր, ՌԴ ղեկավարությունը նույնիսկ հարցեր
էր քննարկում ՆԱՏՕ-ի անդամ դառնալու համար»։
Ըստ Սաքունցի՝ եվրոպական քաղաքակրթությունը
կայուն զարգացող համայնք է, ու այդտեղ պետք է մեր ապագան տեսնենք. «Մենք չենք կարող
ռուսական կառքին կպած մնալ, որը մարտահրավերներ է ստեղծում Հայաստանի համար»:
Մանրամասն՝ տեսանյութում
Դավիթ Լևոնյան
