Սկսած 2023թ.-ից բնակչության
թվաքանակի ընթացիկ հաշվառումն իրականացվում է ՀՀ 2022թ. մարդահամարի արդյունքների հիման
վրա, ըստ որի՝ 2025թ. հունվարի 1-ի դրությամբ ՀՀ մշտական բնակչության թվաքանակը կազմել
է՝ 3 075.8 հազ. մարդ 2024թ. 2 991.2 հազ.-ի համեմատ: Այս մասին civic.am-ը տեղեկացավ Վիճակագրական կոմիտեի հրապարակած տեղեկանքից։ Մասնավորապես
Երևանում բնակչության թվաքանակը աճել է՝ 2025 թ․ հունվարի 1-ի դրությամբ մայրաքաղաքում բնակվում է 1 141.3 հազ․մարդ՝ նախորդ տարվա 1 106.3 հազ․-ի դիմաց։
2024թ.-ին բնակչության կենսունակության
գործակիցը` ծնվածների և մահացածների հարաբերակցությունը, կազմել է 131.6%՝ 2023թ.-ի
նույն ժամանակաշրջանի 150.5%-ի համեմատ: Սեռերի հարաբերակցության գործակիցն էլ կենդանի
ծնված նորածինների շրջանում կազմել է 109.9 տղա՝ 100 աղջկա հաշվով, 2023թ.-ի
110.7-ի համեմատ:
ՎԿ-ի տվյալներից դատելով՝ հաշվետու
ժամանակաշրջանում աճել է ամուսնալուծությունների թիվը՝ 2024թ. հունվար-դեկտեմբերին
գրանցված 1 000 ամուսնությունների համեմատ արձանագրվել է ամուսնալուծության 306 դեպք`
2023թ. հունվար-դեկտեմբերին արձանագրված 277-ի համեմատ:
