Հիմա բոլորս էլ կցանկանայինք,
որ գինը չբարձրանար տրանսպորտի, բայց դա հնարավոր չէր։ Հիմա չկան ղեկին ծխող, հայհոյող
և տարբեր գործողոըւթյուններ անող վարորդներ, այլ կա մաքուր ու նոր ավտոբուսներ։ Այս
մասին civic.am-ի հետ զրույցում նշում է Ազգային ժողովի «Քաղաքացիական պայմանագիր»
խմբակցության պատգամավոր Վաղարշակ Հակոբյանը՝
անդրադառնալով իշխանության ձեռնարկած տրանսպորտային բարեփոխումներին՝ նշելով, որ 150 դրամ սակագինը մեկ ուղևորության
համար արդարացված է։
Հակոբյանը նշում է , որ 2018թ-ից
սկսած ՀՀ-ն եղել է տուրբուլենտության մեջ և միայն 2024թվականն էր, որ հնարավորություն
տվեց իշխանություններին ձեռնարկել լուրջ բարեփոխումներ և իշխանության ցանկացած բարեփոխում
միտված է քաղաքացու կյանքի որակի բարելավմանը։
Հակոբյանը խոսելով իշխանության
վարկանիշից՝ նշեց, որ ցանկացած պարագայում ընտրություններին որոշողը ՀՀ քաղաքացին է
լինելու ․ «Հարգանքով եմ վերաբերվում բոլոր քաղաքական ուժերին ու այս
կոնտեքստում հաջողություն եմ մաղթում այն բոլոր քաղաքական ուժերին, որոնք հայտ են պատրաստվում
են հայտ ներկայացնել 2026թ-ի խորհրդարանական ընտրությունների համար»։
Մանրամասները՝ տեսանյութում։
Դավիթ Լևոնյան
