«Եվրաքվե» նախաձեռնության ուժերը՝ «Հանուն հանրապետության», «Հանրապետություն» և «Հայաստանի եվրոպական» կուսակցությունները հայտարարեցին դաշինքով Գյումրիի ՏԻՄ ընտրություններին մասնակցելու մասին։ Թեկնածուն Ժուռնալիստների «Ասպարեզ» ակումբի ղեկավար Լևոն Բարսեղյանն է լինելու։ Դաշինքը ընտրություններում հանդես կգա «Եվրադաշինք» անունով։

Լևոն Բարսեղյանն ասաց, որ ամիսուկես քննարկել են առաջադրվելու և դրա ֆորմատների մասին հարցերը։ Նշեց՝ պոպուլիզմ չի լինելու։

Լևոն Բարսեղյանը 2012 թվականին մեծամասնական ընտրակարգով ընտրվել է Գյումրի համայնքի ավագանու անդամ։ Գյումրու ավագանու անդամ է եղել 2012-2016 թվականներին։

2016 թվականի հոկտեմբերի 2-ին «ԳԱԼԱ» կուսակցության համամասնական ցուցակով կրկին ընտրվել է ավագանու անդամ, սակայն լիազորությունները չի ստանձնել մինչև 2017 թ. ամառը (3 կուսակցությունների համատեղ ընդունած որոշման համաձայն)։ «ԳԱԼԱ», ԲՀԿ և ՀՎԿ կուսակցությունների կողմից Գյումրու ավագանու նիստերի բոյկոտի ավարտից հետո ավագանու անդամի լիազորությունները ստանձնել է 2017 թ. սեպտեմբերից։ 2021 թվականին ևս մասնակցել է Գյումրու ՏԻՄ ընտրություններին՝ «Հայրաքաղաք» դաշինքի համամասնական ցուցակը գլխավորելով, սակայն քաղաքական ուժը չի հաղթահարել անցողիկ շեմը։