Ռուսաստանի, Ուկրաինայի և ԱՄՆ-ի հնարավոր եռակողմ
բանակցությունների հարցը դեռ չի քննարկվել, սակայն Կրեմլը դրանց անցկացման
լավագույն վայր է համարում Մինսկը։ Այս մասին ճեպազրույցում հայտարարել է ՌԴ
նախագահի մամուլի քարտուղար Դմիտրի Պեսկովը՝ մեկնաբանելով Ալեքսանդր Լուկաշենկոյի
առաջարկը՝ Բելառուսի մայրաքաղաքում կազմակերպել խաղաղության բանակցությունները
Դոնալդ Թրամփի, Վլադիմիր Պուտինի և Վլադիմիր Զելենսկու միջև։
«Այս հարցը ոչ մի կերպ չի բարձրացվել և չի քննարկվել։ Բայց,
իհարկե, մեզ համար Մինսկը լավագույն վայրն է։ Նա մեր հիմնական դաշնակիցն է, ուստի
սա լավագույն վայրն է բանակցությունների համար»,- Կրեմլի ներկայացուցչի խոսքերն է
մեջբերում «Ինտերֆաքս»-ը։
Պեսկովը նաև նշել է, որ Կրեմլը «դրական» է վերաբերվում
բանակցություններին Վլադիմիր Զելենսկու պատրաստակամությանը, ինչի մասին ավելի վաղ
հայտարարել էր Դոնալդ Թրամփը ԱՄՆ Կոնգրեսին ուղղված ուղերձում։
«Հարցն այն է, թե ում հետ նստել (բանակցությունների սեղանի
շուրջ)։ Առայժմ ուժի մեջ է մնում Ուկրաինայի նախագահի՝ ռուսական կողմի հետ
բանակցություններ վարելու իրավական արգելքը։ Ուստի, ընդհանուր առմամբ, մոտեցումը
դրական է, բայց նրբությունները առայժմ չեն փոխվել»,- հավելել է Պեսկովը։
