Վրաստանի ֆուտբոլի ազգային հավաքականը 2026-27 սեզոնի իր առաջին տնային խաղը կանցկացնի դատարկ տրիբունաներում։ Ապրիլի 9-ին այսպիսի որոշում է կայացրել ՈՒԵՖԱ-ի վերահսկողության, էթիկայի և կարգապահական հարցերով կոմիտեն։ Պատճառը մարտի 23-ին Թբիլիսիում կայացած Վրաստան-Հայաստան խաղի ժամանակ տեղի ունեցած միջադեպերն էին։
Հիշեցնենք. մարտի 23-ին Ազգերի լիգայի փլեյ-օֆի պատասխան խաղից հետո երկրպագուների մի մասը վազել էր «Դինամո Արենա»-ի խաղադաշտ։ Վրացի երկրպագուները սկսել էին տարբեր առարկաներ նետել հյուրերի վրա, այդ թվում՝ ջրով շշեր, վիրավորել էին նրանց, միջնամատ ցույց տալ և այլ անպարկեշտ ժեստեր անել։
