Դուշանբեում մեկնարկել է Անկախ Պետությունների Համագործակցության կառավարությունների ղեկավարների խորհրդի նիստը. Հայաստանը ներկայացնում է փոխվարչապետ Մհեր Գրիգորյանը։

Մասնակիցները կքննարկեն արդյունաբերական համագործակցության հարցեր, այդ թվում՝ ծանր մեքենաշինության ոլորտում, ինչպես նաև օդային երթևեկության կառավարման ազգային համակարգերի ներդաշնակեցման հարցեր։ Նախատեսվում է փաստաթղթերի ստորագրում առողջապահության ոլորտում։

Օրակարգում է նաև միջսահմանային համագործակցությունը և ԱՊՀ երկրների տարածքներում ճառագայթային, քիմիական և կենսաբանական իրավիճակի մոնիթորինգի միասնական համակարգի զարգացումը։