Հունիսի 24-ին տեղի է ունեցել ՀՀ շուկայի վերահսկողության տեսչական մարմնի կառավարման խորհրդի հերթական նիստը:

Ինչպես հայտնել են նախարարությունից, նիստը նախագահել է ՀՀ էկոնոմիկայի նախարար Գևորգ Պապոյանը։

Նիստի ընթացքում քննարկվել են՝

- նախորդ նիստի հանձնարարականների կատարման ընթացքը,
- բենզինի օկտանային թվի փորձաքննության իրականացումը,
- էլեկտրական մեքենաների լիցքավորման կայանների ստուգաչափման և էլեկտրական մարտկոցների ուտիլիզացման,
- ինչպես նաև թեթև արդյունաբերության ոլորտին վերաբերող մի շարք հարցեր։

Օրակարգային հարցերի վերաբերյալ զեկուցումներով հանդես են եկել Տեսչական մարմնի ղեկավար Արմեն Կոտոլյանը և ՀՀ էկոնոմիկայի նախարարի տեղակալ Նարեկ Հովակիմյանը։

Նիստի ավարտին որոշվել է նաև յուղերի և էլեկտրոնային ծխախոտների (VAPE-երի) հետ կապված հարցերը ներառել Կառավարման խորհրդի հաջորդ նիստի օրակարգում։