Ադրբեջանական
լրատվամիջոցները հրապարակել են տեսանյութ, թե Բաքվում ինչպես են ձերբակալել կազմակերպված
հանցավոր խմբին մասնակցելու մեջ կասկածվող առնվազն 10 ռուսների: Ինչպես տեղեկացվում
է, ձերբակալվածները կասկածվում են Իրանից թմրանյութերի տարանցման, արգելված
նյութերի առևտրի, կիբերխարդախության մեջ:
Տարածվող նյութերը ցույց են տալիս
ձերբակալված ռուսների նկատմամբ ցուցաբերված դաժան վերաբերմունքը. նրանց հագուստի
վրա արյան հետքեր կան, ոմանց դեմքերի վրա տեսանելի են քերծվածքներ:
Նրանց ուղեկցում
են մեքենայի մոտ՝ ձեռքերը ծալած,
գլուխները գետնին կախած և ստիպում
են քայլել շարքով. այս ամենը նման է Ռուսաստանի ուժայինների կողմից իրականացվող
ձերբակալություններին, գրում է «Նովայա գազետան»։
Այս զանգվածային ձերբակալությանը ռուսական
կողմը չի արձագանքել:
