Իրանի ԱԳՆ նախկին ղեկավար, Իրանի գերագույն առաջնորդի միջազգային հարցերով խորհրդական Ալի Աքբար Վելայաթին Թեհրանում Պակիստանի ներքին գործերի նախարար Մուհսին Նաքվիի հետ հանդիպման ժամանակ անդրադարձել է
Ադրբեջանի կողմից կատարված քայլերին:
«Դուք սերտ հարաբերություններ ունեք Ադրբեջանի հետ, սակայն պետք է ուշադրություն դարձնել այն հանգամանքի վրա, որ այս երկրի իշխանությունները քայլեր են ձեռնարկում, որոնք հակասում են մուսուլմանական պետությունների դիրքորոշմանը: Մասնավորապես, կարելի է օրինակ բերել Ահմեդ Ալ-Շարաայի և սիոնիստական ռեժիմի միջև միջնորդությունը, ինչպես նաև Իսրայել նավթի արտահանումը, երբ այն գտնվում է պաղեստինյան ժողովրդի դեմ բռնաճնշումների գագաթնակետին»,- ասել է Վելայաթին:
