Պեկինում հուլիսի 24-ից շարունակվող հորդառատ անձրևների հետևանքով մարդիկ են զոհվել, և զանգվածաբար տարհանվել է բնակչությունը:

«Սինհուա» լրատվական գործակալությունը, հղում անելով տեղական իշխանություններին, հաղորդել է, որ Չինաստանի մայրաքաղաքում նոր անձրևների հետևանքով զոհվել է 30 մարդ։ Նրանցից 28-ը մահացել է քաղաքի հյուսիսարևելյան Միյուն շրջանում, ևս երկուսը՝ Յանցին շրջանում։

Արտակարգ իրավիճակի պատճառով իշխանությունները ակտիվացրել են արտակարգ արձագանքման ամենաբարձր մակարդակը։ Բնակիչներին կոչ է արվում առանց անհրաժեշտության չլքել տները և չմոտենալ գետերի վտանգավոր հատվածներին։ Պեկինի մեծ մասում մինչև երեքշաբթի առավոտյան ժամը 10:00-ն սպասվում են ուժեղ անձրևներ։

Չինաստանի կենտրոնական հեռուստատեսության տվյալներով՝ այս պահին տարհանվել է 80,332 բնակիչ։