Ռուսաստանի Դաշնության Սախալինի մարզի Սևերո-Կուրիլսկի շրջանից երկրաշարժից հետո բոլոր մարդիկ տարհանվել են։ Այս մասին հայտարարել է Սևերո-Կուրիլսկի քաղաքապետ Ալեքսանդր Օվսյաննիկովը, փոխանցում է «ՌԻԱ Նովոստի»-ն։
«Բոլորը տարհանվել են, բավականաչափ
ժամանակ կար... Բոլոր մարդիկ գտնվում են անվտանգ գոտում... Չկան ավերածություններ, որտեղ մարդիկ կարող են տուժել»,- ասել է Օվսյաննիկովը նահանգապետ Վալերի Լիմարենկոյի հետ խորհրդակցության
ժամանակ։
Իր հերթին, Սախալինի մարզի կառավարության ներկայացուցիչը
նահանգապետի հետ խորհրդակցության ժամանակ հայտարարել է, որ երկրաշարժը շարունակվում է, և Սախալինի մարզում
ցունամիի սպառնալիքը դեռևս չի վերացել։ «Երկրաշարժը շարունակվում է, մենք դեռևս
չենք վերացրել ցունամիի սպառնալիքը, բնակչությունը մնում է բարձրադիր վայրերում,
կազմակերպվել է բժշկական օգնության տրամադրում»,- ասել է նա։
