ԱՄՆ նախագահ Դոնալդ Թրամփի վարչակազմը
Իրանի դեմ սահմանել է այս պահին ամենամեծ պատժամիջոցների փաթեթը: Այս մասին հայտարարել է ԱՄՆ ֆինանսների նախարարությունը։
Նոր պատժամիջոցները
վերաբերում են ավելի քան 50 ֆիզիկական և իրավաբանական անձանց, որոնք կապված են
Իրանի գերագույն առաջնորդի խորհրդական Ալի Շամխանիի որդու՝ Մոհամմադ Հոսեյն
Շամխանիի հետ։
«Այսօր սահմանված ավելի
քան 115 պատժամիջոցները ամենամեծն են այն ժամանակից ի վեր, երբ Թրամփի վարչակազմը Իրանի նկատմամբ
առավելագույն ճնշման արշավ սկսեց։ Այս միջոցառումները Ամերիկայի շահերը դնում են
առաջին տեղում՝ թիրախավորելով ռեժիմի էլիտային, որը
շահույթ է ստանում, երբ Թեհրանը
սպառնում է Միացյալ Նահանգների անվտանգությանը»,- ասել է ֆինանսների նախարար Սքոթ
Բեսենթը։
Միացյալ Նահանգները,
ըստ ԱՄՆ արտասահմանյան ակտիվների վերահսկողության հարցերով վարչության
հայտարարության, Շամխանիի որդուն մեղադրում է կոնտեյներների և տանկերների
հսկայական նավատորմ ստեղծելու և ղեկավարելու մեջ, որոնք, ենթադրաբար, զբաղվում են Իրանից
և Ռուսաստանից նավթ, նավթամթերք և այլ ապրանքներ տեղափոխելով ամբողջ աշխարհի
գնորդներին։
