Ուկրաինայի պաշտպանության ուժերը Զապորոժիեի մարզի գրավված տարածքում ոչնչացրել են ռուսական զորքերի С-300  զենիթահրթիռային համակարգը։ Այս մասին հաղորդվել է Ուկրաինայի զինված ուժերի Գլխավոր շտաբի Telegram-ալիքում։

«Օգոստոսի 2-ին Ուկրաինայի պաշտպանության ուժերը բարձր ճշգրտության հարված են հասցրել Զապորոժիեի մարզի տարածքում գտնվող ռուսական ռազմական օբյեկտներին։ Գործողության արդյունքում հեռահար կրակային զենքերով ոչնչացվել է ռուսական զորքերի С-300  զենիթահրթիռային համակարգը»,- ասվում է հաղորդագրության մեջ։

Նշվում է, որ այս թիրախի ոչնչացումը զգալիորեն թուլացնում է Ռուսաստանի Դաշնության հեռահար կրակային հնարավորությունը և նվազեցնում նրա կարողությունը գնդակոծելու ուկրաինական զորքերի դիրքերը և տարածաշրջանում քաղաքացիական ենթակառուցվածքները։