ԱՄՆ պետքարտուղար Մարկո Ռուբիոն զրուցել է Ֆրանսիայի արտաքին գործերի նախարար Ժան-Նոել Բարոյի հետ։ Այս մասին ասվում է ԱՄՆ Պետդեպարտամենտի մամլո հաղորդագրության մեջ:

«Պետքարտուղարը և արտաքին գործերի նախարար Բարոն հաստատել են իրենց հանձնառությունը՝ թույլ չտալու Իրանի կողմից միջուկային զենքի մշակում կամ ձեռք բերում։ Նրանք նաև քննարկել են Գազայում տիրող հումանիտար իրավիճակը և հրադադարի հասնելու ջանքերը, Ռուսաստանի և Ուկրաինայի միջև պատերազմի ավարտը, Ադրբեջանի և Հայաստանի միջև խաղաղության հաստատումը, ինչպես նաև Սուդանում շարունակվող հակամարտությունը», - ասվում է ԱՄՆ պետդեպի հաղորդագրության մեջ։