Մեծ
Բրիտանիան ողջունում է Ադրբեջանի և Հայաստանի միջև բանակցություններում գրանցված
նշանակալի առաջընթացը և սա համարում է տարածաշրջանում կայուն խաղաղության պատմական
հնարավորություն։ Այս մասին APA-ին տված հարցազրույցում ասել է Ադրբեջանում Մեծ
Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր
դեսպան Ֆերգուս Օուլդը։
«Մենք հանդես
ենք գալիս որպես գործնական գործընկեր, պատրաստ ենք աջակցել երկու երկրներին
ցանկացած համաձայնագրի իրականացման գործում, հատկապես այն ոլորտներում, որտեղ Մեծ
Բրիտանիան ստուգված փորձ ունի։
Ադրբեջանի և
Հայաստանի միջև խաղաղության հասնելը շրջադարձային կետ կլինի Հարավային Կովկասի
տարածաշրջանի համար։ Մեծ Բրիտանիան միշտ հավատացել է, որ կայուն խաղաղությունը
հնարավոր է միայն երկխոսության, փոխադարձ հարգանքի և հարևանների միջև գործնական
համագործակցության շնորհիվ։
Մենք կարող
ենք առաջարկել ստուգված լուծումներ. տեխնիկական օգնություն սահմանների դեմարկացիայի
հարցում, համաշխարհային մակարդակի ականազերծման հնարավորություններ, որոնք կապահովեն
համայնքների անվտանգությունը և հողը կդարձնեն բերրի, ինչպես նաև տնտեսական փոխկապվածության
նախագծերի աջակցություն»,- ասել է դիվանագետը։
