Վրաստանի ենթակառուցվածքների նախարարությունը հայտարարել է միջազգային տենդեր՝ ընտրելու ընկերությունը, որը պետք է իրականացնի Բաթում-Սարփի մայրուղու շինարարության հսկողությունը, հաղորդում է գերատեսչության մամուլի ծառայությունը:

Նախագծի համաձայն՝ մայրուղին կկապի Բաթումի նոր շրջանցիկ ճանապարհը Սարփիում վրաց-թուրքական սահմանի հետ: Մայրուղին կապահովի տրանսպորտային հասանելիություն դեպի Բաթումի օդանավակայան, մաքսային գոտի, հանգստավայրային տարածքներ և Սև ծովի առափնյա բնակավայրեր:

Երթուղու ընդհանուր երկարությունը կկազմի 11 կիլոմետր: Նախագծի շրջանակներում նախատեսվում է 7.6 կմ երկարությամբ թունելի, 1.47 կմ երկարությամբ կամրջի, երկու տրանսպորտային հանգույցի, ինչպես նաև ափամերձ, գետային և ամրաշինությունների կառուցում:

«Այս նախագիծը իրենից ներկայացնում է ռազմավարական տրանսպորտային միջանցք, որը կամրապնդի Վրաստանի դերը որպես Եվրոպայի և Ասիայի խաչմերուկում կարևոր տարանցիկ պետության»,- ասվում է հաղորդագրության մեջ։

Ֆինանսավորումն իրականացվում է Ասիական զարգացման բանկի վարկի և պետական ​​բյուջեի միջոցների հաշվին։ Ծառայությունների մոտավոր արժեքը կազմում է 14 միլիոն դոլար։