Ադրբեջանի նախագահ Իլհամ Ալիևի՝ օգոստոսի 7-8-ը ԱՄՆ կատարած այցը և դրա ընթացքում ստորագրված փաստաթղթերը կարևոր փուլ են Ադրբեջանի և Հայաստանի միջև հարաբերությունների կարգավորման գործում։ Այս մասին հայտարարել է Ադրբեջանի արտաքին գործերի նախարար Ջեյհուն Բայրամովը Ալիևի՝ Վաշինգտոն կատարած այցի արդյունքներին նվիրված կառավարության հատուկ նիստում։
«Ադրբեջանի
կողմից վարվող քաղաքականությունը հասել է իր տրամաբանական գագաթնակետին։ Վճռական
արտաքին քաղաքականության արդյունքում հակամարտության կարգավորումը համապատասխանում
էր մեր ազգային շահերին։ Նույնիսկ ամենադժվարին ժամանակներում Ադրբեջանը թույլ չի
տվել օկուպացիայի օրինականացում», - նշել է Ադրբեջանի ԱԳ նախարարը։
Բայրամովը շեշտել է, որ
Ադրբեջանը երբեք չի ընդունել ազգային շահերին հակասող ժամանակավոր լուծումներ և
միշտ պայքարել է ճշմարտության և արդարության համար։
Ադրբեջանի ԱԳՆ ղեկավարը նաև
հայտարարել է ԵԱՀԿ Մինսկի
խումը կարգավորման
գործընթացից բացառելու մասին:
Բայրամովի խոսքով՝ ԵԱՀԿ Մինսկի խումբը և
դրան առնչվող կառույցները փակելու մասին դիմումը տարածվել է ԵԱՀԿ երկրների միջև։ «Որոշումը
սպասվում է սեպտեմբերի 1-ին», - հավելել է նա։
