Թուրքիայի ԱԳՆ-ն
մերժել է Իսրայելի վարչապետ Բենիամին Նեթանյահուի հայտարարությունը Հայոց
ցեղասպանությունը ճանաչելու վերաբերյալ։ Այս մասին հաղորդվում է Թուրքիայի ԱԳՆ կայքում։
«Նեթանյահուի
հայտարարությունը 1915 թվականի իրադարձությունների վերաբերյալ նախաձեռնություն է,
որն ուղղված է քաղաքական երանգ հաղորդելու անցյալի տխուր իրադարձություններին։
Պաղեստինի ժողովրդի դեմ ցեղասպանության մեջ իր դերի համար դատապարտված Նեթանյահուն
փորձում է թաքցնել հանցագործությունները, որ կատարվում են իր և իր կառավարության
կողմից։ Մենք դատապարտում և մերժում ենք այս հայտարարությունը, որը չի
համապատասխանում անցյալի իրական իրադարձություններին»,- ասվում է Թուրքիայի ԱԳՆ հայտարարության
մեջ։
Հիշեցնենք.
Իսրայելի վարչապետ Բենիամին Նեթանյահուն ի պատասխան զրուցակցի հարցի, թե ինչու
Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր
դա արեցի»:
