Մի շարք համաձայնագրեր, որոնք ձեռք են բերվել ինչպես Հայաստանի և Ադրբեջանի,
այնպես էլ Ադրբեջանի և Միացյալ Նահանգների միջև, շատ դրական պատկեր են ստեղծել
տարածաշրջանի համար։ Այս մասին հայտարարել է Թուրքիայի արտգործնախարար Հաքան
Ֆիդանը TGRT Haber-ին տված հարցազրույցում։
Նրա խոսքով՝ ադրբեջանական կողմը խորհրդակցություններ է անցկացրել թուրքական կողմի
հետ Վաշինգտոնում կայացած հանդիպումների և համաձայնագրերի վերաբերյալ։
Թուրքիայի ԱԳ նախարարը, նշելով, որ «Զանգեզուրի միջանցքի» վերաբերյալ
Թուրքիայի դիրքորոշումը հիմնված է փոխադարձ վստահության վրա, ընդգծել է այս
հարցում Ադրբեջանի հետ սերտ համագործակցությունը:
«Ներկայումս «Զանգեզուրի միջանցքի» վերաբերյալ որևէ կոնկրետ բան չկա: Կողմերը
կքննարկեն, թե ինչ է լինելու և ինչպես է զարգանալու իրավիճակը: Մեր դիրքորոշումը
հիմնված է վստահության վրա: Մենք վստահում ենք մեր ադրբեջանցի եղբայրներին»,- նշել
է Ֆիդանը:
Նա նաև բարձր է գնահատել Հայաստանի
վարչապետ Նիկոլ Փաշինյանի դիրքորոշումը այդ հարցում։
