Քաղաքացիակենտրոն
լրատվություն

«Ներողություն եմ խնդրում երկրի վարչապետից»․ զոհվածի հորեղբոր արձագանքը՝ հերոսի շիրիմին վարչապետին մոտ չթողնելու կապակցությամբ

«Ներողություն եմ խնդրում երկրի վարչապետից»․ զոհվածի հորեղբոր արձագանքը՝ հերոսի շիրիմին վարչապետին մոտ չթողնելու կապակցությամբ
Հայաստան
18:46, 19 апрель 2021
ՀՀ վարչապետ Նիկոլ Փաշինյանը աշխատանքային այցով ապրիլի 17-ին Վայոց ձոր մարզում էր։ Այցի ընթացքում միջադեպ էր տեղի ունեցել Գետափ համայնքի գերեզմանատանը, ուր վարչապետն այցելել էր զոհվածների հիշատակը հարգելու։ Զոհերից մեկի եղբայր ներկայացած անձը չէր թույլատրել Նիկոլ Փաշինյանին մոտենալ զոհերի շիրիմներից մեկին։

Այսօր պարզվեց, որ զոհվածը Եղոյան Կարենն է, ում հորեղբայրրը՝ Աշոտ Եղոյանը, իր ֆեյսբուքյան էջում ներողություն է խնդրում Նիկոլ Փաշինյանից տեղի ունեցած դեպքի համար եւ ասում, որ հիշյալ անձը իրավունք չուներ նման կերպ պահել իրեն, եւ որ նա   ընդդիմության քաղաքական պատվերն է կատարել։

«Արման ջան, դու ասում ես, թե բոլոր իրավունքները ունես, իսկ ես քեզ որպես Կարենի հորեղբայր ասում եմ՝ դու ոչ մի իրավունք չունեիր քեզ նման կերպ պահեիր ու թույլ չտայիր, որ մեր երկրի վարչապետը խոնարվեր ու ծաղիկներ դներ  իմ եղբոր որդու շիրիմին, ասեմ ավելին՝ դու ոչ թե որպես հարազատ, այլ հարազատի անվան տակ։
Քողարկվելով,  լինելով քաղաքական բեվեռի հակառակ կողմի ներկայացուցիչ՝ դու  կատարել ես ընդամենը 17 քաղաքական պոռնիկների պատվերը, որի համար դեռ շատ ես զղջալու: Ես, որպես զոհված զինծառայողի հորեղբայր, ներողություն եմ խնդրում երկրի վարչապետից ու Գետափի ողջ հասարակությունից:
Հարգանքներով՝ Աշոտ Եղոյան», - գրել է նա։

Civic.am-ը կապվեց Աշոտ Եղոյանի հետ, ով ասաց, որ գրառմանը ավելացնելու ոչինչ չունի։