Այսօր կայացել է «Հայաստան-ԵՄ կրթական երկխոսություն» համաժողովը
Գիտություն
ՀՀ ԿԳՄՍ նախարարության, Հայաստանում Եվրոպական միության և ՅՈՒՆԻՍԵՖ-ի՝ Հայաստանում կրթական բարեփոխումների վերաբերյալ քաղաքականության երկխոսության հարթակի շրջանակում այսօր կայացել է «Հայաստան-ԵՄ կրթական երկխոսություն» համաժողովը:
Ինչպես հայտնում են ՀՀ ԿԳՄՍ նախարարությունից, համաժողովին ներկա են եղել և ելույթներով հանդես եկել ՀՀ ԿԳՄՍ նախարար Ժաննա Անդրեասյանը, նախարարի տեղակալներ Արթուր Մարտիրոսյանը և Արաքսիա Սվաջյանը, Հայաստանում ԵՄ պատվիրակության ղեկավար, դեսպան Վասիլիս Մարագոսը, Հայաստանում ՅՈՒՆԻՍԵՖ-ի ներկայացուցիչ Քրիսթինե Վայգանդը, ՀՀ-ում հավատարմագրված դեսպանատների, կրթության ոլորտի ներկայացուցիչներ:
Համաժողովի ընթացքում քննարկվել են կրթության համակարգի բարեփոխումները, հիմնախնդիրներն ու հնարավորությունները՝ ներկայացնելով կրթության ոլորտում համագործակցության հիմնական ուղղությունները: Այս համատեքստում անդրադարձ է կատարվել ՀՀ կրթության՝ մինչև 2030 թվականի ռազամավարությունից բխող միջոցառումների պլանի կատարմանը:
Համաժողովի ընթացքում շոշափված հարցերը՝ ըստ թեմաների.
- Կրթության՝ մինչև 2030 թվականը զարգացման ռազմավարության ընթացքը.
- Բարեփոխումներն ընդգրկում են կրթության բոլոր մակարդակները.
- Կրթությանը հատկացվող պետական միջոցների աճ.
- ԼՂ-ից բռնի տեղահանվածների աջակցության ծրագրեր.
- ԵՄ-ն աջակցում է կրթության ռազմավարության իրականացմանը.
- Երեխաների և դեռահասների որակյալ կրթությունը կարևոր է:
Հանրակրթության նոր չափորոշչի ներդրում.
Ուսուցիչների մասնագիտական զարգացում.
«300 դպրոց, 500 մանկապարտեզ» պետական ծրագիր.
«Դպրոցական սնունդ» ծրագիր.
Դպրոցի տնօրենի նշանակման նոր համակարգ.
Նախադպրոցական կրթության հասանելիություն և մատչելիություն.
Կրթություն-աշխատաշուկա արդյունավետ կապ մասնագիտական կրթության ոլորտում.
«Ակադեմիական քաղաք» ծրագիր: