Քաղաքացիակենտրոն
լրատվություն

Սահմանադրական դատարանը մերժեց 4 ուժերի դիմումները․ ընտրությունների արդյունքը մնում է անփոփոխ

Սահմանադրական դատարանը մերժեց 4 ուժերի դիմումները․ ընտրությունների արդյունքը մնում է անփոփոխ
Իրավունք
21:09, 17 июль 2021
Սահմանադրական դատարանը մերժեց չորս ուժերի դիմումները. ընտրությունների արդյունքները մնում են անփոփոխ:

Սահմանադրական դատարանը որոշեց ՀՀ Կենտրոնական ընտրական հանձնաժողովի 2021  թվականի հունիսի 27-ի «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրությունների արդյունքներն ամփոփելու մասին» թիվ 184-Ա որոշումը թողնել ուժի մեջ։

Սահմանադրական դատարանի որոշումը ընթերցեց ՍԴ նախագահ Արման Դիլանյանը: ՍԴ-ն որոշեց թողնել ուժի մեջ ԿԸՀ (Կենտրոնական ընտրական հանձնաժողով) որոշումը։ Դիլանյանը հայտարարեց, որ որոշումը վերջնական է և ուժի մեջ է մտնում որոշման պահից։ Այսպիսով՝ ՍԴ-ն մերժեց  «Հայաստան», «Պատիվ ունեմ»  դաշինքների եւ « Հայոց հայրենիք»  կուսակցության կողմից ընտրությունների արդյունքների վիճարկման բողոքը։ «Սույն որոշումը վերջնական է և ուժի մեջ է մտնում հրապարակման պահից», -  ասաց Դիլանյանը:

Նշենք, որ Սահմանադրական դատարանի որոշման հրապարակումից հետո օրենքի ուժով 8-րդ գումարման Ազգային ժողովի անդրանիկ նիստը տեղի կունենա սույն թվականի օգոստոսի 2-ին։

Այսպիսով՝ Նիկոլ Փաշինյանը առանց Ազգային ժողովի քվեարկության կնշանակվի վարչապետ՝ որպես խորհրդարանական մեծամասնության թեկնածու: