ՀՀ Լոռու մարզի Վահագնի գյուղից ջերմային այրվածքներով Վանաձորի բժշկական կենտրոն է տեղափոխվել 33–ամյա կին` իր երկու անչափահաս երեխաների հետ։ Այս մասին գրում է shamshyan.com-ը։

Համայնքային ոստիկանները պարզել են, որ նշված անձինք այրվածքները ստացել են ժամը 17:30-ի սահմաններում` կենցաղային գազաբալոնի փականի պայթյունի կամ անսարքության հետևանքով։

«Հիվանդանոց տեղափոխվածները Լոռու մարզի բնակիչներ՝ 33-ամյա Նարինե Ա․-ն, և նրա 12-ամյա աղջիկն ու 2,5-ամյա տղան են։ Երեք քաղաքացիներն էլ հիվանդանոց են տեղափոխվել ջերմային այրվածքներով՝ «1-ին աստիճանի, վերին վերջույթների շրջանում» ախտորոշմամբ»,–գրում է կայքը։