ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում հրապարակել է Հանրային հեռուստաընկերության եթերում Տեր Արամի մասնակցությամբ հարցազրույցից մի հատված ու մեկնաբանել այն:

«Սա աղետ է․ հոգևորականներին Կտրիճի հրահանգով ստիպել են մասնակցել ընդդիմության ցույցերին։

Տեր Արամը բացահայտել է այն, ինչի մասին տարիներ շարունակ բարձրաձայնում էինք՝ Կտրիճն իր խմբակով զբաղված է քաղաքականությամբ՝ մոռանալով իր բուն առաքելությունը։

Վստահ եմ, Տեր Արամը միակը չէ, որին հարկադրաբար ներքաշել են քաղաքական պրոցեսների մեջ, բազմաթիվ հոգևորականներ են զոհ դարձել Կտրիճի քաղաքական ամբիցիաներին։

Կտրիճ Ներսիսյանը պետք է հեռանա Հայ առաքելական եկեղեցու փրկության համար, և նա հեռանալու է»,- գրել է Չախոյանը:

Նշենք՝ Տեր Արամն ասել է հետևյալը. «2021 թ․-ի գրեթե բոլոր ցույցերին ես մասնակցել եմ, բայց ոչ իմ ցանկությամբ, վերադասից հրահանգը եղել է, որ պետք է մասնակցեմ բոլոր ցույցերին... Չգնալու դեպքում խնդիրներ կունենայի, պետք է հստակ բացատրեի, թե ինչու չեմ գնում, ուրեմն քաղաքական այլ հայացքներ ունեմ, եթե չեմ գնում»։