Սպիտակ տան աշխատակիցները Օվալաձև կաբինետի մոտ ցուցադրել են ԱՄՆ նախագահների Փառքի ծառուղին՝ նրանց դիմանկարներով, սակայն Ջո Բայդենի պատկերի փոխարեն  այնտեղ գտնվում է «ինքնգրիչի» լուսանկարը նրա ստորագրությամբ: Այս մասին հայտնում է ամերիկյան The Hill պարբերականը։

«Նոր էքսպոզիցիայի լուսանկարները և տեսանյութերը, որոնք հրապարակել են  Սպիտակ տան աշխատակիցներն ու սոցիալական ցանցերը, ցուցադրում են ոսկե շրջանակներ՝ նախկին նախագահների դիմանկարներով։ Սակայն Բայդենի փոխարեն Սպիտակ տունը շրջանակի մեջ էր վերցրել Բայդենի ստորագրությամբ «ինքնագրիչի» լուսանկարը»,- գրում են լրագրողները։

Պարբերականը նշում է, որ ԱՄՆ նախագահ Թրամփը և նրա դաշնակիցները ակնարկում են, որ Բայդենը միտումնավոր է օգտագործել «ինքնագրիչ» (մեխանիզմ, որը թույլ է տալիս փաստաթղթեր ստորագրել առանց մարդու անձնական մասնակցության): Այսպիսով, ներկայիս վարչակազմը հավատացնում է, որ Բայդենը պաշտոնավարման ընթացքում կոգնիտիվ խանգարումներ է ունեցել, և, համապատասխանաբար, նրա փոխարեն օգնականներն են կայացրել կարևոր որոշումներ (այդ թվում՝ ներում շնորհելը), գրում է The Hill-ը:

Բայդենի ներկայացուցիչը դեռևս չի արձագանքել դիմանկարի վերաբերյալ մեկնաբանություն տալու The Hill-ի խնդրանքին։