«ՌԴ և Ադրբեջանի նախագահներ Վլադիմիր Պուտինի և Իլհամ Ալիևի հանդիպման մասին որոշումը կայացվել է հոկտեմբերի 7-ին տեղի ունեցած «լավ, դրական և կառուցողական» հեռախոսազրույցի ընթացքում»։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը։
Նա ասել է, որ ռուսական կողմի
տրամադրվածությունը Ռուսաստանի և Ադրբեջանի ղեկավարների հանդիպման նախաշեմին լի է լավատեսությամբ,
և որ նախագահները կկարողանան քննարկել իրենց հարաբերություններում կուտակված բոլոր
հարցերը։
«Պայմանավորվածություն է ձեռք
բերվել, որ երկու նախագահները կհանդիպեն այսօր։ Կտեսնենք այս հանդիպման
արդյունքները։ Մենք այս դեպքում լավատես ենք: Հուսով ենք, որ նախագահները
կքննարկեն մեր երկկողմ հարաբերությունների ներկայիս վիճակը և կանդրադառնան առկա խնդրահարույց
հարցերին»,- նշել է Պեսկովը։
Ավելի վաղ Կրեմլը հաղորդել էր, որ
այսօր Տաջիկստանի մայրաքաղաք Դուշանբեում կկայանա Ադրբեջանի նախագահ Իլհամ Ալիևի և
Ռուսաստանի նախագահ Վլադիմիր Պուտինի երկկողմ հանդիպումը։
