Ուկրաինային հեռահար Tomahawk թևավոր հրթիռների մատակարարումը կարող է վտանգավոր հետևանքներ ունենալ ամբողջ աշխարհի, այդ թվում՝ ԱՄՆ նախագահ Դոնալդ Թրամփի համար, հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը իր Telegram ալիքում։

«Թրամփն ասել է, որ եթե Ռուսաստանի նախագահը չկարգավորի ուկրաինական հակամարտությունը, դա նրա համար վատ կավարտվի»։ Սպառնում է հարյուրմեկերորդ անգամ, կարճ ասած։ Եթե «բիզնես-խաղաղարարը» նկատի ունի «Տոմահավկ»-երը, ապա արտահայտությունը ճիշտ չէ։ Այդ հրթիռների մատակարարումը կարող է վատ ավարտ ունենալ բոլորի համար։ Եվ ամենից առաջ՝ հենց Թրամփի համար»,- գրել է Մեդվեդևը։  

Նա պարզաբանել է, որ «թռիչքի մեջ անհնար է տարբերակել միջուկային «Տոմահավկ»-երը սովորականներից», ընդ որում՝ արձակումը կիրականացնի ոչ թե Ուկրաինան, այլ ԱՄՆ-ը։ «Կարդա. Թրամփ։ Ինչպե՞ս պատասխանել Ռուսաստանին։ Հենց այդպես»,- գրել է Մեդվեդևը։