Թալին խոշորացված համայնքի ղեկավար Տավրոս Սափեյանը ֆեյսբուքյան իր էջում գրել է․
Էլի չէի խոսի…
Գեղեցիկ, հպարտ, ժողովրդի կողմից վստահված համայնքն եմ ղեկավարում։
Բայց, տեսնելով, թե ինչ է տեղի ունենում մեր երկրում, ցավ եմ զգում։ Համացանցը դարձել է ատելության ու անբարոյականության տարածք։ Կյանքում կայացած թե չկայացած, Հայաստանի Հանրապետության համար անգամ մի քար տեղում չդրած մարդիկ խառնվել են իրար ու չգիտես՝ ինչ են ուզում և ինչ են սերմանում։
Իմ հարգելի ժողովուրդ, խնդրում եմ՝ չտրվել վիրտուալ հակամարտություններին և սադրանքներին։ Եկեք բաց աչքերով նայենք, թե ով է իրականում ծառայում մեր երկրին, սթափ նայենք կառավարման քաղաքական թիմին և այլ «թիմերին»։
Եվ կրկնում եմ՝ եկել է ժամանակը թացը չորից տարբերելու։ Եկեք՝ խոհեմ ու խելացի գտնվելով, կառուցենք մեր տունը, մեր համայնքը, մեր երկիրը։
Կեցցե՛ անկախ, ազատ և խաղաղ Հայաստանը։
