Արևմուտքը միայն վատթարացնում է Ուկրաինայի իրավիճակը՝
շարունակելով ֆինանսավորել նրան, որի վրա ռուսական ներխուժումից ի վեր ծախսել է
500 մլրդ եվրո, հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը,
հաղորդում է The Moscow Times-ը։
«Դա զայրացնող, վտանգավոր շատ է։ Այդ փողերով կարելի
էր կառուցել նոր, չեզոք և բարգավաճ Ուկրաինա։ Բայց դա չէր ճակատագիրը»,- գրել է Մեդվեդևը։
Նա նաև նշել է, որ ԱՄՆ-ն Աֆղանստանում իր 20-ամյա
ռազմական ներկայության ընթացքում մի քանի անգամ ավելի է ծախսել. «2001-ից 2021 թվականների
ժամանակահատվածում անսասան ազատ «Պինդոստանը» Աֆղանստանում 2.3 տրիլիոն դոլար է ծախսել,
որպեսզի իշխանությունը թալիբներից փոխանցի թալիբներին»։
Մեդվեդևը դրանից եզրակացրել է, որ որքան շատ արևմտյան
աշխարհը ծախսի Ուկրաինային աջակցելու վրա, «այնքան ավելի սարսափելի կլինի վերջը» նրա
ներկայիս կառավարության համար, և այնքան ավելի շատ տարածքներ կստանա Ռուսաստանը։
«Ամեն ինչ կստացվի այնպես, ինչպես ԱՄՆ-ի հետ՝ Աֆղանստանում»,-
ավելացրել է նա՝ չհստակեցնելով պատճառը, և շնորհավորել է բոլոր ռուսներին Ազգային միասնության
օրվա կապակցությամբ։
