ԵՄ գործադիր մարմինը նախատեսում է Դեմոկրատական ​​դիմադրության կենտրոն ստեղծել՝ Ռուսաստանից և այլ ավտորիտար ռեժիմներից ստացված ապատեղեկատվությանը հակազդելու համար, հաղորդում է The Guardian-ը։

Եվրոպական հանձնաժողովը մտադիր է միավորել ԵՄ-ի և դաշինքին միանալ ձգտող երկրների փորձագետների ջանքերը՝ օտարերկրյա տեղեկատվության մանիպուլյացիաների և միջամտության դեմ պայքարելու համար։

Այս գաղափարը ընկած է Եվրահանձնաժողովի նախագահ Ուրսուլա ֆոն դեր Լեյենի կողմից առաջարկված «ժողովրդավարության վահանի» հիմքում, երբ նա 2024 թվականի Եվրոպական ընտրություններից առաջ երկրորդ ժամկետով առաջադրվեց։

Ֆոն դեր Լեյենը սեպտեմբերին Եվրախորհրդարանի պատգամավորների առջև ունեցած իր ելույթում հայտարարել էր Եվրոպական ժողովրդավարական դիմադրողականության կենտրոնի ստեղծման գաղափարի մասին։

Փաստաթուղթը, որը պետք է հրապարակվի նոյեմբերի 12-ին, լրացուցիչ մանրամասներ է ներկայացնում, այդ թվում՝ թե ինչն է Եվրահանձնաժողովը համարում ամենամեծ սպառնալիքը։

«Ի լրումն Ուկրաինայի դեմ իր դաժան ագրեսիվ պատերազմին, Ռուսաստանը նաև ուժեղացնում է հիբրիդային գրոհները՝ պայքար մղելով Եվրոպայի դեմ իր ազդեցության համար։ Նրանք կեղծ պատմություններ են տարածում, որոնք երբեմն ներառում են պատմական փաստերի մանիպուլյացիա և խեղաթյուրում, նրանք փորձում են խաթարել ժողովրդավարական համակարգերի նկատմամբ վստահությունը»,- ասվում է նախագծում, որին ծանոթացել է The Guardian-ը։