Բելառուսի նախագահ Ալեքսանդր Լուկաշենկոն Մինսկում՝
2026–2030 թվականների Սոցիալ-տնտեսական զարգացման ծրագրի վերաբերյալ խորհրդակցության
ժամանակ, խոսել է բջջային հեռախոսների նկատմամբ իր վերաբերմունքի մասին և քաղաքացիներին
կոչ արել ավելի քիչ կախվածություն ունենալ գաջեթներից։
«Ինչու՞ ենք մենք այդքան անհանգստանում այդ հեռախոսների համար։
Ավելի լավ է դրանք ձեզ հետ չտանեք։ Մի՛ տարեք։ Հազար անգամ եմ ասել։ Ես բջջային
հեռախոս չունեմ, բայց ինչ-որ կերպ ապրում եմ»,- նշել է նա։
Լուկաշենկոն նաև բացատրել է քաղաքային (ստացիոնար) հեռախոսի
օգտակարությունը՝ հատկապես պաշտոնյաների համար.
Նրա կարծիքով, բջջային կապը պաշտպանված չէ տեղեկատվության արտահոսքից,
ուստի սովորական ստացիոնար հեռախոսից լիովին հրաժարվելը ճիշտ չէ, քանի որ «ձեր խոսակցությունը
Կանադայի կամ ԱՄՆ-ի սերվերներում չի լինի»։
Նախագահն ընդգծել է, որ թվայնացումը միշտ չէ, որ անվտանգ է. «Պետք
չէ ամեն ինչ թվայնացնել»։ Նա նշել է, որ որոշ տվյալներ ավելի լավ է պահել թղթային
կրիչների վրա։
Նա նաև հորդորել է քաղաքացիներին չափազանց շատ չանհանգստանալ անձնական
տվյալների համար. «Եվ ժողովուրդը շատ պետք չէ «մազութվի» [չափից շատ անհանգստանա].
«Ախ, անձնական տվյալներ՝ հեռախոսահամար, էլի ինչ-որ բան, հասցե...»։
