Եվրոպական Միությունը կշարունակի
համագործակցել Հայաստանի և Ադրբեջանի հետ
տարածաշրջանում կայուն խաղաղության և փոխադարձ զարգացման հասնելու ճանապարհին,
գրել է Հարավային Կովկասի հարցերով ԵՄ հատուկ ներկայացուցիչ Մագդալենա Գրոնոն «X»
սոցիալական ցանցում։
«Ես ավարտել եմ բարձր մակարդակով ինտենսիվ
և կարևոր խորհրդակցությունները, որոնք տեղի են ունեցել նոյեմբերի 18-19-ը
Երևանում։ Շնորհակալություն եմ հայտնում փոխվարչապետ Մհեր Գրիգորյանին, արտաքին
գործերի նախարար Արարատ Միրզոյանին և իշխանության այլ ներկայացուցիչների՝ Ադրբեջանի
և Հայաստանի միջև խաղաղ կարգավորման գործընթացի, Թուրքիայի և Հայաստանի միջև
հարաբերությունների կարգավորման, մարդասիրական հարցերի, կապի և տարածաշրջանային
համագործակցության վերաբերյալ խորը և մանրամասն մտքերի փոխանակման համար։ Ես նաև
գոհ էի քաղաքացիական հասարակության ներկայացուցիչների հետ հետաքրքիր
քննարկումներից։ Եվրոպական Միությունը աջակցում է հայ և ադրբեջանցի գործընկերներին
տարածաշրջանում լիակատար խաղաղության և հաջողությունների ճանապարհին»,- նշել է նա։
