ԱՄՆ նախագահ Դոնալդ Թրամփն առաջարկել է «փորձարկել» ՆԱՏՕ-ի զորքերը՝ կիրառելով դաշինքի կանոնադրության հավաքական պաշտպանության մասին հոդվածը՝ ամերիկյան պետության հարավային սահմանները անօրինական միգրանտների ներխուժումից պաշտպանելու համար։ Այս մասին քաղաքական գործիչը գրել է իր Truth Social սոցիալական էջում։

Նրա խոսքով՝ ՆԱՏՕ-ի ներգրավումը կազատի սահմանապահ պարեկային ծառայության մեծ թվով գործակալների՝ այլ աշխատանքներ կատարելու համար։

Չնայած այս առաջարկին, Fox Business հեռուստաալիքին տված հարցազրույցում Թրամփը հայտարարել է, որ ԱՄՆ-ը երբեք ՆԱՏՕ-ի կարիքը չի ունեցել և դաշինքից երբեք որևէ լուրջ բան չի խնդրել։

Այնուամենայնիվ, հունվարի 20-ին Սպիտակ տան ղեկավարը պնդել էր իր առանցքային դերի մասին.

«Առանց իմ ներդրման՝ ՆԱՏՕ-ն հիմա գոյություն չէր ունենա: Ոչ մի մարդ կամ նախագահ ՆԱՏՕ-ի համար ավելին չի արել, քան նախագահ Թրամփը»։

Ավելի վաղ ՆԱՏՕ-ի նախկին գլխավոր քարտուղարը հայտարարել էր, որ Թրամփին շողոքորթելու ժամանակներն անցել են։