Ռուսաստանի և Ուկրաինայի պատվիրակությունները Ժնևի
բանակցություններում պայմանավորվել են խորհրդակցությունների արդյունքների մասին զեկուցել
իրենց երկրների ղեկավարներին և շարունակել աշխատանքը համաձայնագրի վրա։ Այս մասին հայտարարել
է ԱՄՆ նախագահի հատուկ բանագնաց Սթիվեն Ուիթքոֆը X սոցիալական ցանցում։
Նա նաև նշել է, որ ԱՄՆ գործող վարչակազմին հաջողվել
է «մի տեղ հավաքել հակամարտության կողմերին, ինչը հանգեցրել է զգալի առաջընթացի»։
«Այսօր նախագահ (Դոնալդ) Թրամփի հանձնարարությամբ
Միացյալ Նահանգները անցկացրեց եռակողմ քննարկումների երրորդ փուլը Ուկրաինայի և Ռուսաստանի
մասնակցությամբ։ Մենք շնորհակալություն ենք հայտնում Շվեյցարիայի Համադաշնությանը հյուրընկալության
և այսօրվա հանդիպումները անցկացնելու համար... Երկու կողմերն էլ համաձայնեցին զեկուցել
իրենց համապատասխան ղեկավարներին և շարունակել աշխատանքը համաձայնագրի ձեռք բերման
ուղղությամբ»,- գրել է Ուիթքոֆը։
