Բելառուսի նախագահ Ալեքսանդր Լուկաշենկոն
կարծում է, որ Հավաքական անվտանգության պայմանագրի կազմակերպությունը (ՀԱՊԿ) պետք
է շատ զգույշ և քաղաքավարի լինի Հայաստանի հետ իր աշխատանքում, հաղորդում է
BelTA-ն։
«Դուք գիտեք, որ Հայաստանը, կարծես թե, չի
աջակցում ՀԱՊԿ-ի աշխատանքին, բայց միաժամանակ մնում է կազմակերպությունում։ Պետք է
շատ կոռեկտ լինել։ Հայաստանն այս առումով դժվարին իրավիճակում է, հատկապես
ընտրական շրջանում։ Շատ դժվարին իրավիճակում։ Հետևաբար մենք պետք է քաղաքավարի և
զգույշ լինենք Հայաստանի հետ մեր հարաբերություններում»,- ասել է Բելառուսի ղեկավարը
ՀԱՊԿ գլխավոր քարտուղար Տաալատբեկ Մասադիկովի հետ հանդիպման ժամանակ։
