Քաղաքացիակենտրոն լրատվություն
«Գյումրեցի վարորդը կարգապահական տույժի է ենթարկվել»։
Այս մասին սոցցանցի իր էջում հայտնել է Գյումրու ավագանու «Քաղաքացիական պայմանագիր» խմբակցության քարտուղար Էդգար Բաղդասարյանը։
«Վարորդը ստացավ կարգապահական տույժ։
Հույս ունեմ՝ սա զսպող և նախազգուշացնող միջոց կլինի նաև մյուս վարորդների համար, որպեսզի այսուհետև առավել զգոն լինեն, հարգալից վերաբերվեն քաղաքացիներին և պատշաճ կատարեն իրենց աշխատանքային պարտականությունները։
Քաղաքացու նկատմամբ հարգանքը հանրային ծառայություն մատուցողի պարտականությունն է»,- ասվում է գրառման մեջ։
Ավելի վաղ խմբակցությունն ահազանգել էր, որ Գյումրու քաղաքային իշխանությունը ուղիղ իմաստով վտանգում է գյումրեցիների կյանքը: Խնդիրը կապված էր հանրային տրանսպորտի հետ։
